1Pay Kassaskipan
- við innbygdum terminali
1Pay kassaskipan við innbygdum terminali ger søluna skjóta og einfalda, eisini tá nógv er at gera. Tú arbeiðir í kassanum, og tá kundin skal gjalda, skiftir skipanin sjálvvirkandi yvir í 1Pay gjaldsapp og síðani aftur, tá gjaldið er liðugt. Samstundis hevur tú eitt kunningarbretti við yvirliti, eisini tá tú ikki ert til staðar.
Gjaldsterminalur og kassaskipan
Sølueindin er gjørd til at vera løtt at nýta, eisini tá nógv er at gera.
Tú arbeiðir í einum einfaldum kassa, og tá kundin skal gjalda, tekur 1Pay gjaldsapp yvir av sær sjálvari.
Tá gjaldið er liðugt, fer skipanin aftur í kassan, so tú kanst halda fram við næsta kunda.
Tú skalt ikki skifta app sjálvur, og tú skalt ikki hugsa um tekniska partin mitt í søluni.
Tað ger søluna skjótari, gevur færri klikk og minkar um bíðitíðina hjá kundanum.
Tað er serliga hent, tá tað er nógv at gera, ella tá starvsfólk skulu kunna læra skipanina skjótt.
Sølutøl beinleiðis í kunningarbrettinum
Við kunningarbrettinum fært tú eitt greitt yvirlit yvir søluna, uttan at tú skalt leita í fleiri ymiskum støðum.
Tú kanst fylgja við, hvussu dagurin gongur, hvat verður selt, og nær sølan flytur seg mest.
Tað er serliga hent, tá tú ikki sjálvur stendur við kassan.
Tú kanst hyggja inn, síggja um tað er nógv at gera, og fáa eina betri kenslu av, hvussu fyritøkan koyrir beint nú.
Kunningarbrettið gevur tær ikki bara tøl.
Tað gevur tær tamarhald.
Tú sært søluna betur, skilir gerandisdagin betur og kanst taka betri avgerðir, uttan at tað verður óneyðuga fløkt.
Hvønn hóskar 1Pay kassaskipan seg til?
1Pay kassaskipan passar væl til smærri og miðalstórar fyritøkur, sum vilja hava eina greiða og lætta kassaloysn.
Hon er serliga góð, tá tú hevur brúk fyri at avgreiða kundar skjótt, taka ímóti gjaldi á somu eind og samstundis hava eitt gott yvirlit yvir søluna.
Loysnin hóskar væl til handlar, matvognar, pop up sølu, marknaðir, tiltøk, tænastur og aðrar støður, har tað skal ganga skjótt og einfalt.
Tú fært ikki eina stóra og tunga skipan við øllum hugsandi funktiónum, men eina kassaskipan sum ger tað týdningarmesta væl.
Tað merkir at tú kanst koma skjótt í gongd, avgreiða kundan skjótt og lætt umframt fylgja við í søluni á kunningarbrettinum.
Fyri nógv er tað júst hetta, sum manglar: ein einfaldari máti at hava kassa, gjald og yvirlit á einum stað.
